|
Културно-просветно друштво ДОК – Куцура Kulturno-prosvetno društvo DOK – Kucura Културно-просвитне дружтво ДОК – Коцур Kultúr-oktatási tártaság DOC – Kuczora Cultural-Educational Society DOC – Kucura
ЧУТКА - БУДАПЕШТ - РОСТОВ - ДОЧЕК
КПД ДОК - Коцур на єдини способ яки може, а то праве на тот способ, прейґ интернета, дзекує на потримовки шицким хторих предсидатель Дружтва модлєл и хтори ширели информациї. И попри тим же КПД ДОК - Коцур нє популистичне здруженє културних дїячох и насампредз водзи рахунка о квалитету и нєрепризносци, заш лєм, припознаваме же импонує мац на Манифестациї коло 30 % вецей публики як влонї. Кед ше зна же долуподписани, иншак Мотор Чутки, бул 4 днї пред саму Чутку 08 у Ростове-на-Дону, треба визначиц и тимскосц у рамикох Орґанизацийного одбора тогорочней Централней манифестациї. Активносц лєм начално догварени пред лєтом за Ростов, а орґанизация, у цалє патраци, була на високим уровню. Шицки ше складаю же тогорочна Централна манифестация була успишнєйша. З оглядом же у децембру КПД ДОК - Коцур мало два значни медзинародни, т. є. загранїчни активносци, о чим нє лєм же у Руским слове нє мож було пречитац анї шорик, алє о чим анї порцийни плацаче Явного сервису РTВ нє могли достац информациию, Управни одбор Дружтва ришел представиц заинтересованим участвованє Културно-просвитного дружтва ДОК - Коцур на културним збуваню у Будапешту и на науково-практичней конференциї у Ростове-на-Дону. Знова ше обрацаме ґу Вам, хтори маце сцерпеня за мойо часто предлуги писания, же бисце и з тей нагоди ширели шлїдуюцу информацию:
На нєдзелю, 11. януара 2009. року, на 19 годзин, у Етно клубу Одняте од забуца отрима ше трибина на тему Медзинародна дїялносц КПД ДОК - Коцур у Будапешту и у Ростове-на-Дону на хторей буду зорґанизовани шлїдуюци програми: - здогадованє на проф. др Иштвана Удвария; - промоция Антолоґиї русинскей поезиї 2. половки 20. вика Русинска ренесанса, у хторей значне доприношенє дали проф. др Михайло Фейса, Микола Каменїцки, Мария Молнар и Мирослав Силадї; - промоция найновшого числа Медзинародного историйного часописа Русин, хторе видава Дружтвена орґанизация Русь Серґея Суляка а у чиєй Редакциї зоз Сербиї проф. др Юлиян Рамач, Михайло Горняк и Мирослав Силадї;
- упознаванє зоз Заключенями Конференциї. На Трибини будзе приказани окреме потресни документарни филм о живоце Русинох у Закарпатскей обласци України нєшка, як и фотоґрафиї зоз будимпештскей програми (13. децембра) и ростовскей конференциї (19. децембра 2008. року). проф. др Михайло Фейса, предс. КПД ДОК - Коцур
|
-
представянє програми Медзинародней науково-практичней конференциї
Ґеноцид и културни етноцид Русинох Карпатскей Руси (конєц 19. вика -
початок 21. вика) на хторей участвовали професоре др Михайло
Фейса (“Форми и методи українизациї и їх одраженє на статус руского
язика войводянских Руснацох”) и Радойка Тмушич (“Роль русского языка
и литературы в борьбе против этноцида Сербов и сербских Русинов в
геополитических условиях конца 20-21.вв.”), як и Михайло Горняк
(змист його прилога “Ruthenians in Vojvodina Between Disputed Past
and Uncertain Future" презентовал проф. др Михайло Фейса);