|
Стпанови Бандери утаргнуте званє Героя України 02.04.2010 Донєцки окружни суд пияток, 2. априла, преглашел процивправним указ екс-предсидателя Виктора Ющенка о преглашеню Степана Бандери за Героя України. Тужитель – адвокат Владимир Оленцевич у цеку зашеданя суда гварел же, согласно законодавательству України, званє Героя України може достац лєм граждан України. По його думаню, Бандера нє граждан України бо умар 1959. року, т.й. скорей 1991. року. Пре то, по думаню Оленцевича, Ющенко прекрочел свойо овласценя. Колеґиюм судийох ше соглашел зоз думаньом тужителя и потвердзел же лїца, котри умарли до 1991. року нє можу буц гражданє України и ришил глєдац од предсидателя Виктора Януковича одвит коло преглашеня Бандери за Героя України, преглашиц указ нєзаконим и понїщиц го. На ришенє суда може ше жалїц апелационим суду Донєцкей обласци у цеку 10 днї.
Интернет-издание UA- Reporter.com
|