РУСНАК ИНФО

25 април 2009 року                                                                                                     
г.Пардубице Ческа

На концу Першей шветовей войни русини, южно од Карпатох вєдно зоз другим славянским народами котри уходзели до составу Австро-Угорскей монархиї, достали право на самоопредзелєнє, постали субєкти медзинародного права. Теди предсидатель ЗАД Вудроу Вилсон 8.01.1918 року обявел 14 точки условох примиря зоз процивнїками Антанти, скорей шицкого зоз Нємецку и Австро-Угорску. У точки 10 гварене же народом Габсбуршкей монархиї, а самим тим и Русини, нужно дац можлївосц доставаня полней самостойносци.

Катеґоричне нєприпознаванє русинскому народу Закарпатя (Подкарпатскей Руси) права на самоопредзелєнє, на шлєбоду волї, (кед ше ма на розуме воля виражена 1918 року и на референдуму 1991 року, кед 78,2% жительства виржело жаданє мац статус самоуправней административней териториї), власц України принєсла *План мирох ришованя русинского питаня* котри постал решенє проблему зоз точки патреня України. За 16 роки самостойносци у тим краю власц спроводзела политику културного ґеноциду зоз елеметами класичного ґеноциду спрам русинох-

1) роби ше нєконтроловане вирубованє карпатских пралєсох, нєрационалне хаснованє минералних водох и ридких минералох.

2) заґадзує ше територия края чешким металами и привоженьом токсичного одпаду зоз цалей Европи.

3) активне, роботно способне жительство ше плански вицискує же би ишли робиц прейг гранїци. Коло 300 тиячи роботно способних русинох примушени гледац жридла преживйованя за свойо фамелиї у иностранству. Каждого року вецей од 5000 русинох емиґрира до других жемох цо виволує счезованє русинского народа у реґиону.

4) Подросток, млади, воспитую ше без знаня о русинох, без родителького стараня, жию у штредку еколошкей катастрофи на продуктох Чернобилскей катастрофи и на ґенетски модификованих и шверцованих продуктох.

5) реализує ше политика асимилациї русинского народа, насилана українизация, плановане знїщованє русинского язика, традициї и култури єдного народа. У школох Закарпатскей обласци нєт ученя на родним язику, на Ужгородским националним универзитету нєт катедра за русински язик, а саме мено *русин* нєдопущене.

6) власци дошлїдно спроводза политику знїжованя численосци русинох котри жию у краю.

7) нє преставаю вишлїдзованя з боку СБУ спрам духовного лидера подкарпатских русинох о. Димитрия Сидора и других лидерох русинских орґанизацийох.

Така политика *ришеня русинского питаня* примушела нас же би зме принєсли Декларацию у лїцу 1. Шветового Конґреса Подкарпатских Русинох и упуцели ю цалей русинскей дияспори, шицким русином у розшеяню, медзинародней зєднїци зоз молбу за потримовку реализациї вольи русинского народа и, як главне, прекраценє етноцида и спасенє русинского народа.

Будучносц нашей держави видзиме так :

Державна символика : трофарбова застава, герб зоз червеним медведзом, Уставни Закон 328 од 22 новембра 1938. року, национална химна русинох, прилапена у Подкарпатскей Руси у досовєтским и доукраїнским чаше.

Република Подкарпатска Рус мацеринска держава шицких русинох швета.

Пенєжна єдинка – 1 тис.

Державни язики – русински и росийски. Реґионални – мадярски, румунски, українски.

У свойству делимитационих линийох гранїци Републики Подкарпатска Рус зоз Польску, Словацку, Мадярску и Румуною буду вжати за основу гранїци СССР-а. Гранїци зоз Ивано-Франковску и Львовску обласц України буду по делимитационих линийох Польскей и Чехословацкей до 29 юния 1945. року.

Република Подкарпатска Рус припознава державносц України, Абхазиї, Осетиї, Приднєстровя

Рахованє часу – централно европски час.

На териториї Републики Подкарпатска Рус допущене двойне державлянство. Без державлянства Републики Подкарпатска Рус лєм на правох странца. Странцом ше видаваю визи у одвитиюцих конзуларних представительствох. Коло того, необходни и мали пасош за русинох зоз дияспори. проживающих вне Подкарпатской Руси

Република Подкарпатска Рус нєма нїяки територниялни претензиї спрам других державох, руководзаци ше принципом добресушедских одношеньох.

Опорезованє – за подприємства 3%

За основу прилапює ше *Подкарпатскорусинска економска доктрина*.

Цала територия Републики Подкарпатска Рус постава *ЗОНА ШЛЄБОДНЕЙ ТАРҐОВИНИ*.

Под час 18 рочного нєлеґитимного управяня на териториї ПР нанєшена чкода од 23 милиярди евра.

Шицки жителє маю право на безплатне висше образованє.

Шицки жителє маю право на безплатни медицински услуги.

Шицки жителє маю право на безплатни интернет.

Шицким националним меншини у Републики Подкарпатска Рус ґарантую ше шицки права согласно зоз Европским конвенциями о правох националних меншинох.

Рухоми и нєрухоми маєток України у Републики Подкарпатскей Руси, нєзаконито приватизовани, преходзи до власносци Републики Подкарпатска Рус без було яких обовязкох.

Шицки медзинародни догварки, котри ше директно або индиректно одноша на Подкарпатску Рус, заключени после октобра 1938. року, муша буц ратификовани у парламенту ПР. Без ратификациї догварки нє уходза до правного поля ПР и нє маю правну моц.

Статус Републики Подкарпатска Рус – демилитаризована зона зоз медзинароднима ґаранциями защити и нєприкосновеносци вонкашнїх гранїцох.

Република Подкарпатска Рус цсе вступиц Евроазийскей економскей заєднїци и до рубльовей зони, а тиж и до составу колективних моцох оперативного раґованя ОДКБ

Маєток котри нєзаконито постал українски маєток – жем, лєси, води, ґазо транспортни систем и транзитна инфраструктура – постава маєток Репунлики Подкарпатска Рус без було якого одкупу, компензациї або було яких других обовязкох.

Україински державни маєток на териториї РПР, жем, транзитна инфраструктура (ґасоводи, нафтоводи и друге), желєзни драги и автодраги, електро дистрибутивна система преходза на розпоганє републичним, гороским, валалским орґаном управяня Републики.

Шицки догварки о транзиту котри подписани зоз українского боку у часци котра ше одноши на транзитну инфраструктуру Републики Подкарпатска Рус траца свою моц и заключую ше ополномоченима зоз подкарпаторусинского боку.

Шицки догварки у цалим комплексу питаньох вязаних за транзит ґаза зоз України по ґазней инфраструктури през територию РПР и дальши транзит до жемох ЕС, у шицких трох напрямох- на Словацку, на Мадярску и на Румунию, после заключованю спорозуменя зоз РПР буду функционисац без претаргованьох.

Зоз шеми рахункох за транзит газа по териториї РПР подполно ше биключує Україна и шицки поштредовачки структури. Шицко муши буц апсолутно транспарентне и предвидзуюце.

Подкарпаторусински державни ґазооператер подполно самостойни

Догварки о транзиту електричней енерґиї през РПР подписани зоз боку України и зоз боку Словацкей, Мадярскей и Румуниї траца моц и муша знова буц подписани зоз Републики Подкарпатска Рус.

Бувше оддзелєнє Львовких желєзних драгох пременує ше до Подкарпаторусинска Желєзна Драга и преходзи до державней власносци Републики Подкарпатска Рус.

Питаня вязани за тарифи, розвой желєзничней инфраструктури у РПР, проєктованє, виградзованє нових линийох, модернизация, спроводза ше согласно зоз Владу РПР.

Шицки автомобилни драги РПР, драги общого хаснованя, медзинародни транспортни коридор 5 през Чоп ма медзинародне значенє як вяза ЕС, Росиї и мрежи драгох зоз Словацкей, Мадярскей и Румуниї преходза до власносци Републики Подкарпатска Рус.

Кажде загрожованє маєтку котри припада Републики Подкарпатска Рус чежке виновне дїло и у преходним периодзе подпада под юрисдикцию Русинскому Народному Суду

Комисия влади Републики Подкарпатска Рус приноши нєобходни мири за спроводзенє преоформйованя маєтку и строгей контроли и охрани шицкого цо постава републични маєток.

Вивершиц ревизию вишлїдзованьох вязаних за екстремизем, вишлїдзованя русинох, мадярох и других етнїчних ґрупох по националним предзнаку у чаше од 1938-1945-2009 року.

1 Шветови Конґрес Подкарпатских Русинох овласцує Владу РПР, вибрану на 2 европским Конґресу Подкарпатских Русинох , за реализацию ришеньох 1 Шветового Комґреса Подкарпатских Русинох.

Дом Влади Републики Подкарпатска Рус у Ужгородзе, Православна 19