|
Подкарпатска Рус сце витвориц медзинародне припознанє 25.01.2010 http://www.regnum.ru/news/1246405.html Русини на концу 2009 и початку 2010. року окончовали серию онлайн-конференцийох зоз цильом националней консолидациї и уключованя русинского дружтва до виградзованя держави. О тим 25. януара 2010. року за ИА РЕҐНУМ НОВОСТИ бешедовал премиєр Подкарпатскей Руси Петр Ґецко. По його словох, на блоґох и социялних мрежох, на котрих ше преноша онлай-конференциї, участвує даскельо тисячи особи, векшином жителє Подкарпатскей Руси алє и зоз русинскей дияспори зоз ЗАД, Словацкей, Сербиї и Австралиї. Ґецко виявел же ше абсолутна векшина учашнїкох конференциї склада зоз тим же "грубе нарушенє фундаменталних правох русинского народу, иґнорованє актох антисемитизма, ксенофобиї, русинофобиї, розпирйованє медзинационалних зраженьох з боку України и крайнє правих, екстремних, политичних партийох як цо то ВО СВОБОДА Олеґа Тягнибока нє охабяю русином абсолутно нїяки шанси за общу будуцносц русинского народа у составе як унитарней так анї у составе федералней або конфедералней України” Антаґонизем зоз боку українских политичарох, надрильованє українскому народу думанє же русини то українци и же кажди котри виступа процив того сепаратиста, початок судского процесу процив духовного лидера русинох о. Димитрия Сидора, нєпреривни намаганя компромитациї русинского народа и русинских лидерох, тиж так и ясне нєжаданє українских политичарох увесц територию русинох на югу од Карпатох – бувшу Закарпатску обласц Українскей ССР до українского правового поля, тиж так и одбиванє же би ше до Уставу унєсло резултати референдуму од 1991. року подложело мину зоз загамованим дїйством и примушує русински народ по цалим швеце конєчно и без врацаня почац процедуру медзинародного припознаня преглашеней державносци Републики Подкарпатска Рус од 01. децембра 2008. року. ”, виявел Ґецко. "Русинска дияспора ЗАД и ЕУ вежнє свою нєпоштредну учасц у процесу медзинародного припознаня мацеринскей держави шицких русинох швета. Русини хасную шицки доступни, мирни и демократски способи. Україна ше, з другого боку, уж терци раз за два роки намага виволац воєни конфликт зоз приводзеньом велького континґенту воякох и воєней техники, подгрива през средства масовного информованя думанє же русини жадаю косовски, абхазийски або осетийски сценарио у центру Европи. Нє, Русини нїґда нє жадали и нє жадаю було яки воєни конфликти. Русини нє жадаю видзиц було яки зявеня етнїчней фобиї, котри так масовно розширюю українски националисти на русинскей жеми. Русини нє жадаю антисемитизем котри политични структури україни сцу прилїпиц русинскому дружтву. То не русинске и нє може постац нїґда.", виявел за ИА РЕҐНУМ НОВОСТИ премиєр Републики Подкарпатска Рус Петр Ґецко. ИА REGNUM преложел Мирослав Силадї
|