РУСНАК ИНФО

По думаню городоначальнїка Ужгорода Серґея Ратушняка, скандали зоз политичним подтекстом у Закарпатю виходза зоз того, же предсидатель "подаровал обласц Викторови Балогови" . "70% жительства обласци виглашує же жада оддзелєне Закарпає од України. Нам уш допило буц под Медведчуком и под Балоґом", - виявел за "Комерсант" пан Ратушняк.

Социолоґийни випитованя робели и русински орґанизациї. Проценти у тих виглєдованьох дакус нїзши од тих хтори винєс пан Ратушняк. Так за полне одзельованє порихтани 55%, а за самоуправну обласц – 69%, катеґорично процив оддзелєня 9%, нєопредзелєни 23%. За оддзелєнє од України порихтана и часц Ґалициї под условийом, же би у Закарпатскей обласци – Подкарпатскей Руси бул зачувани українски язик, як єден з державних язикох.

У русинским руху авторитет С. Ратушняка барз вельки, од часу кед зоз його помоцу бул поставени у Ужгороду памятнї Будительови Русинох Александру Духновичу, тиж так и пре його активну прорусинску позицию под час його мандату у Вивершней Ради України.