|
Панї Иринка Папуґова 25.08.2010. року послала на векше число е-адресох винчованку з нагоди 19-тей рочнїци нєзависносци України. Наздавам ше же мейл наисце бул наменєти українцом и прихильнїком (Союз РусинохУкраїнцох), медзитим винчованка послата и на е-адреси особох хтори ше нїяким концом нє чувствую українцами а анї су нє прихильнїки. Вони такой реаґовали на тоту провокацию.
... винчованка ...україн .... зоз малим запожнєньом !!!
Всіх членів та прихильників Українців вітаємо з
19-ою річницею Незалежности України.
Одвит Миломира Шайтоша Иринко, нє мам причини прецо Вам подзековац на тей "винчованки", окрем як на имейлу за нашмеяни-весели початок нового роботного дня. Серби би гварели "мала шала, добра шала". П.С. Модлїм Вас же би сце ми подобну винчованку послали и кед Зимбабве, а окреме Миан-Мар буду преславйовац свой дзень нєзависносци. Таки значни датуми треба запаметац.
Одвит Михайла Горняка Винчуєм и я авторови чи авторки тей винчованки и шицким цо сциха пристали служиц як помитки чарно/червеней/помаранджецовей/жовтей политики екстремного українского национализму. Там дзвонї остатнї гевтим таким у Києву, Янукович будзе мушиц пременїц одношенє спрам русинох и престац помагац тих наших, пременки будзе и ту бо без одруцованя тей политики нєт нїкому анї крочай блїжей европи, положенє нашого Министра за людски и меншински права ше колїмба, положени є под контролу Омбудсмана и поверенїка за информациї пре гришки у политики спрам меншинох, а кед слово о нас – афера у Беоґрадзе зоз уписованьом до окремного виверанкового списку будзе ришена на суду, на ганьбу шицким руснацом, а вина на тих наших хтори ту сновали Беоґрадске дружтво Русинох Українцох -место вирнїкох, грекокатолїкох, алє то так, шалєнству нєт края. А медзи нашима та и ту медзи назначенима нєт ше хто чласно опитац як то у Националним Совиту и коло нього можу буц тоти цо ше одрекли свойого и прилапели становиска хтори нїч од того цо ми ту маме од 1919/20. нє маю гевти горе у України, єдиней жеми на швеце хтора ше трима политики осудзеней у швеце, процивней Уставу и законом тей нашей жеми, а сами шицко тото хасную. Да нє було того були би зме таки як и гевти там – преганяю их же глєдаю тото цо маме ми ту, а гарсточка наших зашалєних на добрих плацох – ей виплаци ше буц руснак та ище кед слухаю тих наших цо оквицени зоз призначками од Ющенка за доприношенє шветовому українству. Нагода ми ше опитац панї Олени Папуґовей – панї Папуґова, ви як посланїк ЛСВ – чи ше ви складаце зоз тоту политику, яку ви там шветочну вияву давали – цо чувац, знаце Ви цо записане у Уставу, знаце цо записане у Кривичним законику, а Сербия и посланїки на першом месце длужни почитовац Повелю ОУН, принципи ОЕБС-а, Совита Европи, медзинародни конвенциї о людских и меншинских правох, як ви можеце мирно шедзиц и нє опитац ше амбасадорови України – цо ви то Екселенцийо сцеце з нами, цо там з гевтима у України, шедзице вєдно зоз паном Б. Виславским, членом ДС – та чи то до вас ище нє пришло же и ЛСВ и ДС запровадзую политику спрам хторей руснаци єдно а українци друге, а таке дацо як русини українци – кромплї бундави нєт, а русини українци политиканти хтори хасновали нагоду намесциц ше на плаци и служиц политики хтора руснацом начкодзела вецей як шицки цо нас гнобели по нєшка, як таки останю запаметани. А там ше ище хтошка чудує же нам розбиваю облаки и пишу по мурох вшелїячини – прето же нас штредок у хторим жиєме, од хторого нє можеме сцекнуц видзи як привилеговане цело завязане за цудзу политику, а нє питал ше нїхто чом ґу нам, до Руского Керестура, Коцура, Дюрдьова нє пришол нїґда анї єден амбасадор жеми у хторей руснаци жию припознати як таки ... Одвит Мирослав Силадї Верим же панї Иринка направела гришку та нє префилтрирала е-адреси на хтори пошлє тоту винчованку та ю так и ми достали. Чи гришка у филтрираню чи нє анї нє важне. Важне то же вона тоту винчованку послала на числени адреси та и на адреси членох Рускей Матки. Цо то може значиц? Чи ше то панї Иринка пременєла, чи нас обвисцує же є член Союзу, чи ше дацо помилєла, чи цо? Придружуєм ше заключеньом и питаньом пана Горняка и на исти питаня и я чекам одвит.
КЕД ЖЕ СЦИГНЄ ИЩЕ ДАЯКА РЕАКЦИЯ БУДЗЕ ОБЯВЕНА. |