| Почитовани,
мам єден "чешки" задаток зоз рахункох. Помагайце! 1. Кельо чешки буяк кед ше за ньго плаци 100.000
динари (цо думаце кому?)? Гваря людзе же кила живей ваґи коло 80 динари. Гварели ми же кед нє можеце таке вираховац же можеце глєдац помоц од вожда зоз буздованом тй. пана предсидателя Националного совиту РУСНАЦОХ ("етнос" мацериней му земи) (rafail@eunet.yu ) лєбо од нєсудзеного му секретара (sannik@eunet.yu), можебуц єдиного директора на тим простору хтори ма нїшу фахову приготовку од своїх занятих (бидни чловек, шейтал пшичка та нємал кеди закончиц школи, а нє сцел се школовац як його вожд 8 роки). Е, тельо им требало за особну промоцию та почим "робя" на култури вони за тоту "роботу" себе тельо оддзелєли зоз єдним подцагом (а боме мали и добри приклад у своїм штредку – Колєсар, Янюшевич, Рашета и слични). На концу ту и нафта од помоци их мацериней жеми. Гваря же керестурска школа писала подзекованє за нафту хтору нїгда нє видзела, а зли людзе гваря же є заменєта у цукровнї за цукер. Люубя людзе слатки живот. А ту ище и 130 хектари пана зоз буздованом (гвари зе правда же нє шицки на його мену, озда нє будзе плациц таки порез). И як видзице, тельо ше вони трудза за Руснака отпаднїка и його културу нєсебично и нє глєдаю нїяки припознаня, лєм да их пущиме на мире да "робя" свою роботу. Янко Голик
|