РУСНАК ИНФО

15.04.2009 

Розгварка зоз Мари Ан Сивак (подпредсидательку Дружтва Карпатских Русинох зоз Питсбурґу (ЗАД)

У Европи сом була три тижнї а Джон Риґети єден. Мушим повесц же видно же ситуация позитивна. Двацец роки по оживйованю пременки виражени. По блишовей револуциї, барз мало людзох ше вияшнєло як Русини. Думам же ше бали же ше 1968. рок повтори, же ше тоталитарни режим враци и же заш будзе подло за Русинох. Знаме же под час комунистох Русини нє шмели еґзистовац. Тераз Русини похопели , же Словацка мултиетнїцке дружтво а вони можу буц свойо на своїм. Русини у Словацкей державлянє як цо и ми державлянє ЗАД. Так як цо ми у ЗАД можеме еґзистовац як национална меншина так можу и Русини у Словацкей. На тот способ збогацую словацке дружтво и културу, так як цо ми збогацуєме америчку. Барз нас цешело кед зме нащивели школу дз ше виучує русински язик. Було то моцне чувство кед млади гордо вияшньовали о своїх русинских кореньох.

Перше мушиме будовац и отримовац цеснєйши, лєпши контакти. У марцу зме одлучели же будземе мац свойого репрезента котри нас будзе информовац о Русинох у загранїчю. Вон бешедує по русински, позна кирилку, же би могол читац русинску пресу. Догварели зме ше зоз Др. Ґлосикову, о цесним сотруднїцтве нашей оеґанизациї зоз музейом у Прешове.

Пред 15 роками було важне же би обидва держави (ЗАД и Канада) мали єдного представителя. Ми теди праве починали и хибело нам практични искуствия. У Европи Русином требала финансийна помоц, же би були припознати и могли стануц на власни ноги. Тераз уж маме богате искуство, самосвидомосц, гордосц и дошли зме до спознаня же дозрел час же би зме мали власного представителя у Шветовей ради Русинох.

Плануєме славиц цали єден тидзень. Будзе шицкого, од наступох наших русинских ансамблох, маме их минимум 5, театра, вистави, презентациї филмох, семинари о Русинох и подобне. Тоту преславу плануєме за новембер. Верим же нас придзеце нащивиц.