РУСНАК ИНФО

Правилносц крочайох котри поднїмаю русини Подкарпатя

Василий Иванович, Ви були делеґат на 1 Шветовим Конґресу Подкарпатских Русинох котри отримани у Ческим городзе Пардубице, чи можеце оценїц тот Конґрес як раскол у шветовим русинским руху?

Як перше, анї после 9 отриманих русинских конґресох, котри отримани у жемох дзе жию Русини, нє приблїжело ше ґу ришеню русинского питаня алє го ище и очежало. Од самого початку вибрана погришна драга за подкарпатских русинох. Окреме после 1996. року кед порушани *План мирох за ришованє питаня українцох русинох*, кеди постало ясне же Україна завжала курс у напряме етноциду русинского народу. Нє лєм же од 1996. року Шветови конґрес нє робел на главним проблему, положеню подкарпатских русинох у України, алє и створел окремне одношенє спрам нас. А то же тераз виключели наших делеґатох и заменєли их зоз другим лєм помоцнєло таки чувства при русинох Подкарпатскей Руси.

Концепция П.Р. Маґочия, дзе основа културолоґийни напрям, зоз апсолутним оградзованьом од було якей политичней дїялносци котра ма вязи зоз охранєньом русинского народа. Маґочийова концепция прекрасна за русинох Словацкей, Мадярскей, Польскей, Румуниї и дакус менєй за русинох у бувшей Югославиї алє така концепция смертельна за русинох Подкарпатскей Руси. Русински народ пре українску политику етноцида просто щезнє.

И то же поволанку на 10 Конґрес прияли други представителє котри завжали русински дом Подкарпатскей Руси сам за себе свидоцтво яке одношенє спрам русинох у Подкарпатскей Руси. Маґочи уш оддавна нє реаґує на жаданя и обчекованя русинох Подкарпатскей Руси. Цо вец остало робиц?

... и Ви ришели орґанозовац Шветови Конґрес Подкарпатских Русинох?

Иницияторе созданя Конґреса була русинска дияспора зоз ЗАД, русини котри пошли до ЗАД зоз Подкарпатскей Руси 80-их рокох прешлого вику. То бул резултат иґнорованя русинох нє лєм зоз боку України алє и Шветового Конґресу Русинох П.Р. Маґочия. Подкарпатски русини рушели по своєй драги и у одношеньох спрам України и спрам Шветового Конґресу П.Р. Маґочия.

Перши Шветови Конґрес Подкарпатских Русинох потвердзел и потримал ришеня Другого Европского Конґреса русинох, глєдац од цалей шветовей заєднїци припознанє Републики Подкарпатска Рус котра преглашена 01. децембра 2008. року як мацеринска держава шицких русинох швета.

Вчерайши инцидент у орґанизациї партиї Шлєбода требала погубиц орґанизацию 3 Европского Конґресу, направиц даяку зваду и битку а вец би ше требала уключиц и милиция. То барз здабе на українских националистох. Дознали зме цо ше рихта та зме премесцели отримованє Конґресу за други датум. То же пришол 31 делеґат свидоцтво же єден дзень було мало же би шицки делеґати дознали же Конґрес премесцени за други датум. Но ище цошка ше потвердзело – русинска милиция зоз русинским народом. Нєшори у Подкарпатскей Руси можу направиц лєм застої. Милиция процив русинского народу нє пойдзе. Траца ше и остатнї мити о тим же державносц Подкарпатскей Руси по драги без насилства нє станє на ноги. Шицко готори о обратним. Лєм мирно и нїяк иншак. Кому ше то нє пачи, тот жада креви! Алє нє дочека.

Оцини Конґреса у Пардубици и пренєшеного Конґреса до Ужгороду гуторя же крочаї котри поднїмаме правилни и водза гу потвердзованю факта о воспоставяню державносци. Другого нєт.