|
Предсидатель Польскей осудзел преглашенє Степана Бандери за героя України http://www.edrus.org/content/view/18931/53/ 05.02.2010
"Оцина дїялносци Орґанизациї українских националистох (ОУН) и Украинскей повстанческой армиї (УПА) у Польскей прията барз неґативно”, обачлїве у вияви Качинского за РИА Новости. "Остатнї поцаги предсидателя України унапрямени процив процесу историйного помиреня и диялоґу. Чечуци политични интереси победзели историйну правду”, виявел предсидатель Польскей. Польски лидер подцагнул же ОУН и УПА "вивершели масово забойства польского жительства на восточних територийох кед забите вецей од 100 тисячи полякох лєм пре то, же були поляки"... Коло того Лех Качински доложел же “у Польскей єст убедзенє же директне и ефективне партнерство суверених, шлєбодних и демократских державох – Польскей и України – одвитує националним интересом двох державох. Ми не можеме забувац на то” стої у вияви предсидателя Польскей. 22 януара Ющенко обявел посмертне преглашене геройом України чолнїка українских националистох Степана Бандери – инициятора формированя Українскей повстанческой армиї (УПА) котрей декларисани циль бул борба за нєзависну Україну. 1936. року Бандера бул у Польскей осудзени за орґанизацию забойства министра нукашнїх дїлох Бронислава Перацкого. По приходу фашистох до Польскей Бандера бул пущени зоз гарешту. Бандера и його сотруднїки такой почали поволовац українски народ же би фшадзи помагали нємецкей армиї у розбиваню Москви и большевизма, рахуюци же зоз таку помоцу нємецкей войски допомогню формированю нєзависней України. Гитлер нє потримал идею о нєзависней українскей держави. Бандера бул 1942.року ухапшени и депортовани до лоґору, откаль после 2 роки бул ошлєбодзени. После войни жил у Нємецкей дзе го 1959. року забил аґент КҐБ-а. Героизация УПА и єй лидерох виволує критики зоз боку велїх здруженьох ветеранох Велькей Отечественей войни и политичарох котри осудзую бандеровцох за сотруднїцтво зоз нацистами и терор процив українского, єврейского и польского жительства. Прихильники Бандери одруцую обвиньованя и твердза же ше УПА борела процив двох империйох – Совєтскей и Трецого Райха. 15. юлия 2009. року парламент Польскей прилапел резолуцию у котрей обвинює УПА за масово забойства полякох зоз признаками етнїчного чисценя и ґеноцида... РИА Новости виводи преложел
|
Ришенє
предсидателя України Виктора Ющенка о преглашеню Степана Бандери за
героя України и признанє Українскей повстанической армиї (УПА) як
официйней ветеранскей орґанизациї противречи историйней правди и
виволує протест полякох, гутори ше у вияви предсидателя Польскей
Леха Качинского.