|
Политични вектор розвиваня русинох Дому – до Европскей Униї 12.11.2009 У Европским Парламенту, у Бриселу, од 08-10 новембер у сотруднїцтве зоз ПАРЕ, европских правних институцийох, европских партийох, вецей як 20 делеґатох Европарламента, отримана конференция и Европски форум 2009 зоз актуалним темами:"Єдна Европа од Атлантика по Цихи океан – жаданє чи можлївосц?" , "Намаганя ревизиї историї" а було бешеди и о 20 рочнїци валяня Берлинского мура.Протоєрей Димитрий Сидор бул у Бриселу зоз мандатом представителя подкарпатских русинох. Вон поздравел Татяну Жданок и подзековал єй за створену можлївосц же би ше представитель русинскей политичней нациї Подкарпатскей Руси зявел и вжал учасц на таким важним и авторитетним демократичним форуме европского дружтва. Прот. Димитрий Сидор придал пакет докуметох-ришеньох русинских орґанизацийох. То постало можлїве дзекуюци тому же Татяна Жданок, делеґат у Европарламенту, була у Мукачове на зашеданю русинских орґанизацийох и теди мала стретнуце зоз русинским активистами. Теди у присуству Татяни Жданок, прот. Димитрий Сидор бул вибрани за представителя русинох у Европскей демократскей алиянси, котра сотрудзує зоз Европарламентом. На Всезакарпатским сходу русинох у Мукачове, 24. октобра 2009. року прот. Сидор бул ополномочени придац документи и ришеня Европского Националного Конґреса Подкарпатских Русинох и Народней Ради Русинох Закарпатя. Його предклад же би ше активовала защита правох и шлєбодох меншинох Европи а самим тим и русинох, вошол до тексту документа котри послати Предсидательови Совита Европи Фредерику Райнфелду, Предсидательови Европскей комисиї Жозе Мануел Барозу и другим у котрим ше, медзи иншим, бешедує о ликвидациї дискриминациї (цо України уж надпоминали Зєдинєни нациї), о уважованю етнїчних меншинох – дзе спомнути и русини, потреби формированя єдинствених медзинародних стандардох и похопйованє нєобходносци формованя мултикултурного дружтва. Драга представителя русинох до Бриселу була удатна. Удало ше указац Бриселу же русини нє подзелєни, же су порихтани за воспоставянє досовєтского, доукраїнского статусу своєй републики и жаданє войсц до Евросоюзу, дзе України нїґда нє приму...http://rusin.forum24.ru/?1-1-0-00000304-000-0-0-1258040757
|