РУСНАК
 RUSYN - RUTHEN

РУСНАЦИ ЗАКАРПАТЯ

  

 

РУСНАЦИ НА ИНТЕРНЕТУ  CYBER RUTHENIA   CYBER ART  DOWNLOAD RUSYN FONT  АРХИВА  ПОЧАТНИ БОК
 

  

 

 

*Будземе мушиц направиц поморанчецову револуцию у Закарпатю*

 

 

Предсидатель Асоцияциї русинских орґанизацийох * Парламент Подкарпатских Русинох * протоєрей Димитрий Сидор у своїм виступу на Другим Европским форуму *Демократия и мултикултурносц на Евровостоку* бешедовал о проблемох свойого народу.

По словох о. Сидора у Закарпатю жиє вецей як 800 тисячи особи хтори после присоєдинєня Закарпатя ґу СССР-у били записани як українци. *За 15 роки нєзависносци у України нєт демократиї. Кравчук, Кучма и Ющенко забули на свойо обецунки и иґнорирую проблем русинского народу. Києв роби шицко же би нас ликвидирал.* - виявел протоєрей.

* Ми нє сепаратисти и нє українофоби, алє кед Ющченко предлужи таку свою политику будземе мушиц направиц поморанчецову револуцию у Закарпатю.* - упозорел Сидор. У заключеню свойого виступу вон поволал Росию же би постала *фактор стабилносци* у рушованю русинского питаня.

 

публиковане 15.10.2005

http://www.regnum.ru/news/529003.html

ПОЧАТНИ БОК

 

 

 

 

 

 

 

КОСОВСКИ ПРЕСЕДАН

Можлївосц повтройованя Косовского преседану у України прекоментаровал предсидатель Асоцияциї *Парламент Подкарпатских Русинох* протоєрей Димитрий Сидор.

*Русини Закарпатя 22. октобра 2005 року мали у Мункачове схадзку , на хторей присуствовал и министер за нєзвичайни ситуациї України Давид Жвания як и представителье Верховней Ради України. На тей схадзки русини глєдали од власцох припознац референдум од 1991 року о автономиї Закарпатя у составе України . У случю же власц нє призна русинох як нациналносц, будзе принєшена одлука о витворйованю права на самоопредзелєнє, односно, фактички робиц по косовскей вариянти. Кед же европски жеми рушели по тей драги вец ми слїдуюци. Алє, за розлику од Косова хторе историйна сербска територия, Закарпатє було припоєне ґу України.

Обласни совет Закарпатскей обласци, хторого и я член, признал резултати референдуму 1991 року и глєдал од Верховней Ради України припознац русинох. Пре то ше и спомина Косовски преседан кед же власци нє даю ришенє о русинским питаню. Обласни совет Закарпатскей обласци може принєсц ришенє о автономиї Закарпатя.

Алє, сцем подцагнуц, же то лєм потенциялна можлївосц, ми ше фшелїяк наздаваме же наидземе на порозуменє українскей власци.*

публиковане 23.11.2005

http://www.regnum.ru/news/529003.html

ПОЧАТНИ БОК

 

 

 

 

 

 

 

 

Поморанчецова револуция

 

Виява совитнїка предсидателя України и лидера гражданскей партиї "^АС" Владислава Каскива о тим же *питанє признаня закарпатских руснакох як самостойней нациї нєшка нє особено актуелне* , прекоментаровал дописовательови аґенциї ИА РЕҐНУМ предсидатель асоцияциї *Сойм Подкарпатских Русинох* Димитрий Сидор:

*Кучма свойочасово мал совитнїкох и послушникох у младежских орґанизацийох. Ющенко тиж так шлїдюи приклад Кучми, так же направел загранїчно финансирану партию *^АС* хтора иста така як цо то була *УНА-УНСО*. Партия *^АС* ше декларировала як нєзависна орґанизация, у стварносци є подполно зависна од Ющченка. Пре то очевидне же лидер партиї *^АС* Владислав Каскив, кед ше вияшньовал по питаню русинох, о чим вон нєма думанє, виполнєл задаток достати од свойого шефа.*

*Я нє вельки специялиста за етнїчни одношеня* , виявел Каскив. Пре цо ше вец вияшнює по питаньох до хторих ше нє розуми?

Жадам надпомнуц, же Ющенко предлужує потупйовац права русинского народа, без огляду на обецунку же нас припозна, як националносц, хтору вон дал у ЗАД, и обецунку о предлуженю розвою демократиї, хтору вон дал цалому українскому народу на Майдану у Києве под час *поморанчецовей револуциї*. Пре тоти обецунки велька часц руснакох гласали за Ющченка.

После виявох яка и виява Каскива, мушиме ше моцно задумац: чи да почнєме *поморанчецову револуцию* у Закарпатю? Бешедуєм у мено цалого русинского народа: Ми вимагаме од предсидателя Ющенка ришенє нашого питаня.

ПОЧАТНИ БОК