15.03.2008
Одкрытоє письмо прес-службы СОЙМА Подкарпатськых Русинов голові СРР
п. Магочію, редактору «Народны новинкы» п. Зозуляку и русинам за
границьов.
Честованый п.Магочі, п. Зозуляк и братя русины!
Члены СОЙМА подкарпатськых русинов николи не были сторонниками
публічного діалога из СРР. Но, раз п. Магочі из п. Зозуляком самі
убрали таку форму дискусій, пустивши публічно порочащу нас
інформацію, то даєме вам правдиву інформацію про Декларацію.
15 децембра 2007 года СОЙМ ПР прийняв в Сваляві «Декларацію», в якуй
основным пунктом став тот самый, наш - єдинственный вопрос,
поднимаємый всіма русинськыма організаціями Подкарпатя за 16 годув:
«требование самоуправляємой територіи, согласно реферндума 1991
года». До Деклараціи наші юристы склали «Правові обоснованія», обы
каждый русин (ци антирусин) муг видіти же мы маєме дійсноє право на
прийняті нами требованія. Текст сёго документа голова асоціаціи СОЙМ
ПР озвучив уже на другый день позад Сесіи Сойма в интернеті и в
нашуй газеті «Подкарпатська Русь» т.е. 16 децембра 2007 г. Два
місяці Декларацію СОЙМА русины читали, восхищалися, поочередно
ставили и свої подписы в поддержку Деклараціи СОЙМА ПР. Подав про
неї інформацію в Москві и РЕГНУМ в первых числах януара 2008 г. Лем
коли голова СОЙМА повторно, через два місяці, зачитав текст
Деклараціи у Москві на тому самому РЕГНУМІ, то взорвалися и
чиновникы, натравивші СБУ, ЗМІ, а из нима и всі недругы русинов, в
тому числі, и дакотрі свої.
Итак, мы опубликовали «Правові обоснованія и Декларацію» вже 16
децембра 2007 года, які прийняті русинами и за які русины готові
одповідати перед світом. Также подали сьме го на наш офіційный сайт
СОЙМА
www.karpatorusyns.org
. Ниякі другі документы ци «Додаткы» СОЙМ не принимав и не
подписовав. Ниякы другі офіційні сайты мы не маєме и не
уповноважовали сьме когось на вто.
Но, п. Магочі, довєдна из редактором «Народны новинкы» п. А.
Зозуляком, залізли на чужый сайт
www.rusinpresent.narod.ru
и найшли там чиїсь матеріалы-реакціи на Декларацію и безпардонно
рішили взяти їх и приписати ото СОЙМУ. Мало того, они дерзко
подписали там даже імена членов СОЙМА, для розпаленя межинародной
антирусинськой провокаціи. За йсе нараз мож давати в суд в любому
государстві.
Пресс-служба СОЙМА ПР скоро сповістила всіх, же не має ніякого
одношеня до тых Додатков – интернет-фальшивкы на сайі
www.rusinpresent.
narod.ru,
які п. Магочі и п. Зозуляк уперто стали пропаговати и в своюй
газеті, и на сайті
www.rusynacademy.sk
.
Почувствовавши же мож ся прислужити перед украйинськыма
націоналістами, а СОЙМ ПР принизити и зневілёвати значимость їх
Деклараціи, п. Зозуляк не лем напечатав Додаток-фальшивку из
интернета в свою газету «Народны новинкы» (ч.5-8 за 22 фебруара 2008
года), но й провокативно подписав под нив імена головы и членов
Сойма. Коварство п. Зозуляка, а з ним и п. Магочія некончилося сим.
Они почали широкое провокаційноє обсужденіє и толкованіє той
фальшивкы, и товмачити же (???) «што собі СОЙМ думав, пишучи такоє».
Враховуючи, же панове Зозуляк и Магочі фальшивку перші найшли, та
ищи й напечатали тот бред у СВОЮ словацько-русинську новинку, та ищи
й ЗЛОБНО подписали нас под тым фальшивым документом (хоть там наших
имен не было), то, несомнінно, што йся інтернетна провокація – явно
придумана нима, авать - при їх участи. И про всё они писали: про
«косовськый варіант», про «карпатську стіну», про «кров на аналіз»,
«про фашистичность текстов Деклараціи» и много другое,
дистаціёвавшись од Деклараціи, кроме єдного малого – забыли дати
русинам словацькым оригінальный текст подкарпато-русинськой
Деклараціи , за што СОЙМ реально проголосовав. Выйшло так, же брехни
и провокаціи п.Магочія и Зозуляка найшлося місто в їх новинці, а
нашуй Деклараційи, в якуй неє ніякої провокаціи, міста не дали. Ясно
чому йсе они робили, обы правдивый текст Деклараціи СОЙМА нараз не
высвітлив публічну їх провокацію против подкарпатськых русинов
Подкарпаття, до якого они одношеня не мають.
Тай пресловута «Позиція СРР… до Деклараціи», выдана гибы думка всіх
членов СРР, а скорше всёго стряпана сима двома антирусинськыма
мудрецями.
Коварство сих мудрецюв превзойшли всі рамкы людяности, бо при сюй
провокаціи, они зовсім не напечатали текст настоящой Деклараціи
СОЙМА, скрывши од русинов світа правду про істинні и обосновані
требованія подкарпатськых русинов.
В нашуй Деклараціи не є а ни сепаратизма, а ни вспоминку про
«косовськый варіант» ци «карпатську стіну». Сисі провокативні
матеріалы повностю лежать на совісти двох высокопоставленых
провокатору из СРР, які приписали нам чужу подля нас Інформація из
чужых сайтув.
Мы требуєме од вас п.Зозуляк и п. Магочій спростовати клевету на
нас, а при сёму напечатати в «Народных новинках» для словацьких
русинов правдивый текст Деклараціи СОЙМА ПР. Лем тогды закрыєме
страницю про йсе и дальше ся буде трудити на благо русинов. Аж не
дате спростованя в новинку, лишаєме за собов иный способ привести
вас до порядка.
Прес-служба СОЙМА
|
РУСКА МАТКА
