|
Хавиєр Солана чувствує глїбоку фрустрацию спрам України и єй власцох http://zadonbass.org/news/message.html?id=112778 18.09.2009 Високи представитель Европскей Униї по питаньох вонкашнєй политики и безпечносци Хавиєр Солана виявел, же чувствує розчарованє пре политику українского руководства. Високи представитель гварел же чувствує глїбоку фрустрацию спрам України у вязи з тим як лидере управяли зоз державу по "поморанчецовей револуциї" 2004 року. Коло того, одвитуюци на питанє о перспективох членства України у ЕУ, Солана виявел, же нє обчекує приєм у доглядней будучносци. Попри того, еврокомесар подцагнул же то нє тайна за руководство України, анї за Юлию Тимошенко, анї за Виктора Ющенка. У своєй вияви Високи представитель ЕУ тиж надпомнул вельку улогу Росиї у системи европскей безпечносци. "Безпечносц у Европи нє можлїва без учасца ЗАД и без того же би Росия нашла свойо место у Европскей гиєрархиї" По словох Солани, гоч Заход и допущел гришки и страцел даєдни можлївосци у одношеню з Росию по оконченю "жимней войни", Росия тиж длужна опитац сама себе, яке було єй доприношенє у тедишнєй атмосфери нєдовирия, окреме спрам сушедох. КИД |