|
Отримане зашеданє Народного Совиту Русинох Закарпатя
Соботу, 19.09.2009 року, валал Крива Тячивского рейону у Подкарпатскей обласци бул домашнї зашеданя президиюма Народного Совиту Русинох Закарпатя. На тим зашеданю розпатрани питаня за будуци конґрес орґанизациї и пририхтованя за отримованє 11 фестивала “Червена Ружа” у Мукачове. На зашеданю була прилапена и виява о толерантим уважованю шицких русинских орґанизацийох. “Нацонална Рада Русинох Закарпатя нєма претензиї анї спрам єдней з тих орґанизацийох, але є думаня же формированє паралелних орґанизацийох нє оправдане и трима же дїйства Петра Ґецка як премиєра Републики Подкарпатска Рус нє леґитимни”. Критики бул виложени и Николай Стаоста (Жалива), член Народного Совиту Русинох Закарпатя, пре його статю у новинох “Правозахист”. После оштрей дискусиї було принєшене заключенє и прилапене явне пребаченє Н. Старости пре даєдни нє коректни вияви у статї.
Стретнуце Русинских писательох
Соботу, 19.09.2009 року, прекрасни валал Крива, Тячивского рейону, у Подкарпатскей обласци приял русинских писательох. На инициятиву предсидателя валала Ивана Ивановича Палїнкаша а зоз помоцу младежскей русинскей орґанизациї Тячева, була пририхтана презентация кнїжкох русинских писательох. Сход водзел визначни писатель Юрий Чори. У рамику презентациї наступел млади солист Виталик Токаров котри грал на соплици и цимбалу. Нащива жительох валала була велька и виражена подзековносц колективу валалскей управи за орґанизацию того стретнуца. (Мирослав Силадї) |
