|
Виява Президиума Народней Ради Русинох Закарпатя http://www.rusin.net.ua/showthread.php?t=750 Часц лидерох русинских орґанизацийох Закарпатя (Сойм о. Д.Сидора) вжал себе за право виступац у мено цалого русинского народу. Тоти панове отримую так наволани Европски и Шветово Конґреси Русинох, публикую рижни ришеня з тих Конґресох хтори ше нє оценюю у русинских орґанизацийох, стваряю паралелни русински орґанизациї, або ше намагаю нєзаконо одстранїц других лидерох русинских орґанизацийох, присвоюю себе право додзельовац себе рижни титули, меновац министрох за хторих нє познате хто их виберал и як формована Влада, виступаю у мено русинскей заєднїци на интернету, преси, телевизиї итд. Ми нє признаваме ришеня "Конґресох" хтори були орґанизовани без НРРЗ, хтора була єден од сновательох Европского Конґреса Подкарпатских Русинох. Ми виявюєме русином Швета, Европи, України, Закарпатя, же тоти особи представяю малу часц русинох и нє маю право виступац у мено цалого русинского народу. Тоти, так наволани, Европски, Шветово Конґреси, на хторих присуствує 20 особи хтори нїхто нє вибрал, нємаю нїяку моц а так наволани ришеня тих Конґресох нє требаю тримац за озбильни – анї Русини, анї реґионални руководства, анї централни орґани власци анї Европска и Шветова явносц и орґанизациї. Тоти форуми отримую ше без информованя Координационого совита Русинох, хтори до себе уключує шицки русински орґанизациї нашого реґиону а без їх согласносци. Тоти дїйства деструктивни и провокативни и нє доприноша препороду алє го дриляю назад. То доприноши тому же би власц похопела русинох як екстремистох и сепаратистох. НРРЗ виявює же ма два цилї – врацанє русинскей националносци и реализацию волї народа за самоуправу у рамикох України. Тих цильох ше и надалєй будземе тримац и робиц у рамикох закона. Осудзуєме дїйства провокаторох, фалсификаторох и дезинформаторох и оставаме за подписанима догварками Координационого совиту Русинох хтори подписали шицки русински лидере. Тих "лидерох" хтори систематски нарушую подписане нєт смисла одгваряц бо вони, випатра, маю даяки други план хтори нє у согласю з подписаним. Зоз тим людзми нє може ше досцигнуц циль препороду нашого народу. Господ им будзе судзиц. Вони, нє раз, уношели дзелїдбу медзи лидерох русинских орґанизацийох. Ми уверени до русинскей идеї препорода русинского народу и наздаваме ше швидкому ришеню проблему русинох у України. Поволуєме шицких русинох же би ше одопарли провокатором, фалсификатором и же би збили шори до єдного "фронту" за национални препород Русинох, у духу демократиї и отвореносци и за координацию шицких русинских орґанизацийох краю. Предсидатель НРРЗ Євґений Жупан Секретар М. Ярчич
|