|
РУСНАК |
|
|
|
РУСНАЦИ НА ИНТЕРНЕТУ
ФОРУМ
CYBER RUTHENIA
CYBER ART
DOWNLOAD RUSYN FONT АРХИВА
ПОЧАТНИ БОК |
По информацийох хтори обявени 3. и 4. януара 2007 року на сайту http://www.karpatorusyns.org може ше видзиц як барз загрожени нашо браца у Закарпатю.
Пречитайце даскельо информациї
Пре цо у України руснаком забранєте хасновац руску хералдику?
У Закарпатскей обласци руснаком нє допущене хасновац свойо символи. То
наша застава и наш медведз. При правеню печатох за руски национални
орґанизациї тиж забранєне хасновац руску гералдику.
Пре цо? Пре то же у України нєт нормалней демократиї.
Хто знїщує животни штредок руснакох Закарпатя?
Тайни плани Києва за знїщованє животного штредку подкарпатских руснакох открити на страшни способ – росипованьом супер отровних премиксох на поля Закарпатя.
Ище 1996. року у Києве ґрупа националистох-антируснакох прияли ше ґу осварйованю тайного плану за знїщованє животного штредку руснакох Закарпатя, хтори знова почали глєдац свойо права ище у 1991. року. Тот план бул познати руским орґанизацийом алє нїхто нє верел до реалносци тих планох и же дахто, наисце, будзе робиц так як там записане.
Такой, того 19996. року, почало ше зоз енормним знїщованьом, вирубованьом карпатских лєсох. Потим почало виберанє злата у Мужиеву блїско города Береґова. Тота робота ше одвива и нєшка, гоч нє зробени нїяки еколоґийни експертизи, так же ше и тераз предлужує заґадзованє животного штредку зоз отровним отпадним водами.
Финале у тоталним загрожованю польох Закарпатя настало зоз реализацию тайного плану у вязи зоз увозом,1998 року зоз Мадярскей, вецей як 4000 тони отровних премиксох хтори затрую жем на тисячи роки. Як соопщели зоз СМИ (?) коло 3000 тони уш змесцени на тайних местох у Березнянским, Перечинским, Береґовским и Иршавским реону.
И гоч єст на стотки шведкох, орґанизаторе ше нїкого нє боя. Бувши управитель обласци прейґ телевизиї виявел же роботу коло премиксох од нього превжал Києв.
Зоз тим потвердзене
же плановане заґадзованє животного штредку закарпатцох – криминалне дїло вика, у организациї з боку києвских орлох у сотруднїцтве зоз меснима парняками на власци (екс рекеташох). Фаховци предвидзую медзинародни скандал и даяки санкциї процив Мадярскей, откдз увежени отрови, и можлїве висельованє жительства загрожених обласцох даґдзе индзей.Значи, свар у тим же запланирана акция депортациї 500.000 закарпатцох-руснакох до других обласцох України.
Пре цо подкарпатски руснаци так моцно охранюю свой язик, културу и славянску азбуку?
Руснаци, як старши народ од українцох, чуваю як жренко ока свой язик и азбуку св. Кирила и Мефтодия. А пре цо?
Информативне жридло ( http://www.otechestvo.org.ua/main/200612/2801.htm ) сообщує же при Министерству вонкашнїх дїлох уш даскельо мешаци роби, мало кому позната, комисия хтора ма задаток преложиц українски язик на латинку. Тоту комисию формовал министер вонкашнїх дїлох, фантастични антируснак, Борис Тарасюк, хтори, як ше дознава зоз обвисцених жридлох, претаргнул ТВ мост Києв-Вашинґтон руснаком закарпатя зоз руснаками у ЗАД.
Як члени тей комисиї зявюю ше
преверени єзуити-сотруднїки Министерства вонкашнїх дїлох, Министерсва образованя и науки и Министерства култури и туризма України.Непоштредно на розробки того проєкту, без учасаца филолоґох и линґвистох, участвую и представителє фракциї блока *Наша Україна* у Верховней Ради, Тарасюково соборци зоз *Народного Союзу Україна* и Народного Руху
України Вячеслава Коваля и Николая Онещука.Жридло ище наводзи, же комисия за прекладанє українского язика на латинку настала ище початком 2005. року а же ю потримал особнє Виктор Ющенко. Комисия була критикована у рижних медийох алє то нє вплївовало на роботу комисиї.
Шицки анґажовани на тим проєкту гуторя же треба преложиц українски язик на латинку пре пошвитшованє интеґрациї України до Зєдинєней Европи и НАТО, алє то одриванє духа Кирила и Мефтодия од руснацох и других українских жительох.
Комисия и далєй роби на уводзеню латиничней абецеди до державних и образовних установох України.
РУСНАЦИ НА ИНТЕРНЕТУ ФОРУМ CYBER RUTHENIA CYBER ART DOWNLOAD RUSYN FONT АРХИВА ПОЧАТНИ БОК